Финляндия президенти Европани АҚШ ҳақидаги ҳақиқатни тан олишга чақирди

Финляндия президенти Александр Стуббнинг таъкидлашича, Европа Қўшма Штатлар ташқи сиёсат йўналишини ўзгартираётганини ва бу ўзгаришлар Европа қадриятларига тўғри келмаслигини очиқ тан олиши керак, деб хабар берди Reuters.

“Биз АҚШ ўзгариш давридан ўтаётганини очиқ тан олишимиз лозим. Унинг иттифоқчиларига муносабати ва ташқи сиёсатга бўлган ёндашуви ҳам ўзгармоқда”, — деди Стубб.

Президентнинг сўзларига кўра, Вашингтоннинг ташқи сиёсатини асослайдиган янги концепция Европа қадриятларига зиддир.