Бу ҳақда «Вёрстка» ҳарбийлар, шунингдек, парламент ва пойтахт мериясидаги манбаларга таяниб ёзмоқда. Фронтдаги ҳарбий хизматчиларнинг таъкидлашича, баъзи ҳудудларда «боболар» сони умумий ходимларнинг 50 фоизигача ўсган.
«Ҳозир биз бу ерда оломон билан аралашиб турибмиз ва 40 фоизи 50 ёшдан ошган. Янгиларидан эса тўртдан уч қисми эски», деди жанговар зонада Херсон йўналишида жанг қилаётган ҳаво-десант кучлари офицерларидан бири.
Вёрстканинг Москва мериясидаги манбасига кўра, ёши каттароқ ҳарбий хизматчилар сони август ойида ўсишни бошлаган. 60 ва ундан катта ёшдаги руслар ҳам фронтга юборилади, дейди у. Пойтахт мериясидан яна бир суҳбатдошнинг таъкидлашича, урушнинг сўнгги ойларида 45 ёшдан ошган кўнгиллилар улуши ҳарбий ҳаракатларда қатнашишни хоҳловчиларнинг 50 фоизига етган.
Бу маълумотни Медиазона ва ББC рус хизматининг ҳалок бўлган россиялик ҳарбийлар ҳақидаги статистик маълумотлари ҳам тасдиқлайди – журналистларнинг маълумотларига кўра, 2024 йил бошидан буён Россия Қуролли кучларининг 45 ёшдан ошган 2475 нафар ходими фронтда ҳалок бўлган. Бу бутун 2023 йилга нисбатан 18 фоизга ва 2022 йилда ҳалок бўлганлар сонидан уч баравар кўпдир, дея таъкидлайди «Вёрстка».
