Россия ва Украина Сурияда бир-бирини айбламоқда

Украина Ташқи ишлар вазирлиги Россиянинг Суриядаги вазиятнинг кескинлашувига алоқадорлиги ҳақидаги айбловларини рад этди. Департаментнинг таъкидлашича, мамлакатдаги вазиятнинг ёмонлашиши учун айнан Москва ва Теҳрон жавобгар.

«Диктатор Башар ал-Ассад режимининг ўз халқига қарши жиноятлари ва унинг мамлакат ичида адолатли мулоқотни таъминлашни истамаслиги Суриянинг ягона мустақил давлат сифатида сақланиб қолишига хавф туғдирди», — дейилади Украина Ташқи ишлар вазирлиги баёнотида.

✍️ Аввалроқ Россия вакиллари Украинага қарши қатор айбловларни илгари сурган эди. БМТ Хавфсизлик кенгаши йиғилишида Россиянинг доимий вакили Василий Небензя Украина разведкасининг «Ҳаят Таҳрир аш-Шом» ҳаракати билан ҳамкорлигини маълум қилди.

Россия Ташқи ишлар вазирлигининг расмий вакили Мария Захарова анъанавий матбуот анжуманида ушбу мавзуни ишлаб чиқди: “Бу ерда Украина излари ҳам сезилади. Маълумотларга кўра, Украина разведкаси «Ҳаят Таҳрир аш-Шам» жангарилари билан ўзаро алоқада. Гап дронларни етказиб бериш ва тажрибани узатиш ҳақида кетаяпти”.

Шунингдек, Захарова Москва Остона форматидаги ҳамкорлари – Эрон ва Туркия билан биргаликда Суриядаги вазиятни барқарорлаштириш устида иш олиб бораётганини таъкидлади. Унинг фикрича, вазият бутун Яқин Шарқ минтақаси хавфсизлигига таҳдид солиши мумкин.