Россия Қора денгизда иккита юк кемасига зарба берди

Россия кучлари Қора денгизда иккита юк кемасига дронлар ёрдамида зарба берди.

Бу ҳақда Россия Мудофаа вазирлиги маълум қилди.

Вазирлик маълумотларига кўра, зарбалар қуруқ юк кемаси ва қурол-яроғ ташийдиган контейнер кемасига қаратилган.

"Россия Федерацияси Қуролли Кучлари Украина Қуролли Кучлари манфаатлари йўлида фаолият юритувчи денгиз кемалари ва порт инфратузилмаси иншоотларига қарши гуруҳли зарбалар беришда давом этмоқда. Кун давомида ҳужумкор дронлар Қора денгизда қурол ва ўқ-дорилар ташийдиган қуруқ юк кемасига ва ҳарбий техника ташийдиган контейнер кемасига зарба берди", дейилади баёнотда.