Россия Давлат Думаси “Толибон” ҳаракатини террористик ташкилотлар рўйхатидан чиқаришга имкон берувчи қонунни қабул қилди

Тегишли ҳужжат парламентга ноябрь ойининг охирида киритилган эди. 10 декабр куни у биринчи ўқишда, бугун эса бир вақтнинг ўзида иккинчи ва учинчи ўқишда қабул қилинди.

Қонун лойиҳаси, агар ташкилотлар терроризмни тарғиб қилиш, оқлаш ва қўллаб-қувватлашга қаратилган фаолиятни тўхтатган бўлса, уларни террористик ва тақиқланган ташкилотлар рўйхатидан чиқаришга имкон беради.

Аввалроқ, Россия Давлат думаси “Толибон” ҳаракатини мамлакатда тақиқланган ташкилотлар рўйхатидан чиқариш имкониятини кўзда тутувчи қонун лойиҳасини биринчи ўқишда қабул қилгани маълум бўлганди.