Россия АҚШга норозилик билдирди: G20 тадбирида делегатга рухсат берилмади

Россия АҚШга норозилик билдирди: G20 тадбирида делегатга рухсат берилмади

Россия АҚШга расмий норозилик билдирди. Бунга россиялик делегатнинг G20 саммити олдидан ўтказилган тадбирларда иштирок этишига тўсқинлик қилингани сабаб бўлган.

Бу ҳақда Россия Ташқи ишлар вазирлигининг Иқтисодий ҳамкорлик департаменти директори Дмитрий Биричевский маълум қилди.

Унинг айтишича, америкалик томон техник хатога йўл қўйган — визаси мавжуд бўлган делегация аъзоларидан бири барча тасдиқлаш босқичлари якунланмагани сабаб тадбирга киритилмаган.

Биричевский мазкур ҳолатни танқид қилиб, бу АҚШ томони G20 доирасидаги мажбуриятларини тўлиқ бажара олмаётганини кўрсатишини таъкидлади.