«ПСЖ»нинг грузиялик ҳужумчиси Хвича Кварацхелия оғир жароҳатидан кейин Криштиану Роналдудан руҳий далда олди. «Ан-Наср» юлдузи футболчига ижтимоий тармоқ орқали мурожаат қилиб, уни қийинчиликларга таслим бўлмасликка чақирди.
«Футболчи учун энг оғир синовлар баъзан мухлислар кўзидан панада кечади. Бу қандай ҳис эканини яхши биламан, Квара. Сени шу даражага етказган фазилатларингни унутма. Ҳозирги қийинчиликлар ўз кучингга бўлган ишончни сўндирмасин. Ичингдаги оловни асра, чунки энг яхши кунларинг ҳали олдинда», — дея ёзди португалиялик футболчи.
Кварацхелия Чемпионлар лигасида «Барселона»га қарши кечган ва парижликлар 4:2 ҳисобида ғалаба қозонган учрашувда жиддий жароҳат олган эди.
Тиббий текширувларда унинг ўнг тиззасидаги олдинги хочсимон боғлам узилгани аниқланди. «ПСЖ» футболчини жарроҳлик амалиёти кутаётганини маълум қилган.
Баҳодир Жалолов жангдан кейин нега Абдуқодир Ҳусанов ва Эрлинг Холанд олдига борди?
«Олтин тўп» ғолиби номи маросимдан олдин ошкор бўлдими?
Россиялик марҳум боксчи умрининг сўнгги 11 йилида гапирмагани маълум бўлди
