"Реал" юлдузи: "Барселона" билан ҳаммасини келишиб олган эдик"

"Реал" ҳужумчиси Родриго "Барселона"га ўтишга яқин келганини эслади.

- Менга сизни деярли "Барселона"га ўтганингизни айтишган эди. Бу қандай бўлганини тушунтириб беринг?

- "Реал" билан шартнома имзолашдан олдин "Барселона" билан ҳаммасини келишиб қўйгандим. Бу ҳақиқат. Аммо отам биз учун курашга "Реал" қўшилганини, танлаш кераклигини айтди. Мен учун бу оддий танлов эди. Мен нимани хоҳлашимни, нимани орзу қилишимни билардим. Ҳатто шубҳа ҳам қилмасди. "Барселона" - буюк клуб, деб доим айтганман. Унга ҳурмат билан қарайман. Аммо "Реал" менинг орзум эди, - деди Родриго AS нашрига берган интервьюсида.

Родриго 2019 йилнинг ёзида "Сантос"дан "Реал"га ўтган эди.