"Реал" мураббийи Алонсо Мбаппенинг қачон майдонга қайтиши мумкинлигини айтди

Мадриднинг "Реал" жамоаси янги бош мураббийи Хаби Алонсо ҳужумчи Килиан Мбаппе 27 июнь куни бўлиб ўтадиган Клублар ўртасидаги жаҳон чемпионати 3-тур учрашувида, яъни «Ред Булл Зальцбург»га қарши ўйинда иштирок этиши мумкинлигини маълум қилди. Франциялик футболчи аввалроқ ўткир гастроэнтерит ташхиси билан шифохонага ётқизилганди.

«Мбаппе ҳозир отелга қайтади, у шифохонадан чиқди. Энди кузатамиз. Унинг якшанба кунги учрашувда қатнашиши қийин бўлади, аммо кейинги ўйинда унга умид боғлаяпмиз», — дея келтиради Madrid Universal нашри мураббий сўзларини.

Эслатиб ўтамиз, «Реал» 22 июнь куни Клублар ўртасидаги жаҳон чемпионати 2-тур доирасида Мексиканинг «Пачука» жамоасига қарши майдонга тушади.