Қорақолпоғистон Республикасида қиймати 8,6 миллиард долларлик гигант шамол электр станциялари қурилади. Бу ҳақда Жўқорғи Кенгеси матбуот хизмати хабар берди.
Аҳоли ва иқтисодий тармоқларнинг энергия ресурсларига бўлган талабини қондириш мақсадида Саудия Арабистонининг "ACWA Power" компанияси билан ҳамкорликда Қўнғирот, Қораўзак ва Беруний туманларида умумий қуввати 7,2 минг мегаватт бўлган шамол электр станциялари қурилмоқда. Лойиҳанинг умумий қиймати 8,6 миллиард долларни ташкил этади.
Таъкидланишича, ўтган йили ушбу компания Қораўзак туманида қиймати 107 миллион доллар бўлган, қуввати 100 мегаваттлик шамол электр станциясини ишга туширган. Лойиҳа натижасида йилига 350 миллион киловатт-соат электр энергияси ишлаб чиқариш имкони яратилди.
Натижада 100 миллион куб метр табиий газ тежалишига, шунингдек, атмосферага 180 минг тонна карбонат ангидрид чиқиндилари тарқалишининг олди олинишига эришилган.
Трампнинг икки-тўрт ой умри қолганми?
Илон Маск Россия дронларига Starlink сунъий йўлдош алоқасидан фойдаланишини чеклади — The Insider
Россия “соя флоти” кемаларини ҳимоя қилиш учун Ҳарбий-денгиз кучларидан фойдаланишни режалаштирмоқда
