Қирғизистон Миллий хавфсизлик давлат қўмитаси раисининг собиқ ўринбосарлари Тимур Шабданбеков ва Даниэл Рисалиев ҳибсга олинган. Бу ҳақда мамлакат ҳуқуқ-тартибот органларидаги манбаларига таяниб, Kaktus media нашри хабар берди.
Тимур Шабданбеков мансаб ваколатини суиистеъмол қилишда гумонланмоқда. Худди шундай айблов билан МХДҚнинг яна 6 нафар ходими қўлга олингани айтиляпти.
Даниэл Рисалиев эса коррупция айблови билан 13 апрел куни ушлангани маълум. 24.kg хабарига кўра, Бишкек шаҳар Биринчи май тумани суди уни 11 июнгача уй қамоғида сақлашга ордер берган.
Қирғизистон Миллий хавфсизлик давлат қўмитасини 2020 йилдан буён бошқариб келган Қамчибек Ташиев 10 феврал куни лавозимидан олинган эди. Шу куни унинг ўринбосари Даниэл Рисалиев ҳам ишдан бўшатилган. Бошқа бир ўринбосари Тимур Шабданбеков эса бир ҳафта ўтиб, 17 февралда лавозимини тарк этганди.
Республика президенти Жапаров Ташиевни ишдан олишини “Қирғизистон жамиятида бошбошдоқлик юзага келишининг олдини олиш” билан изоҳлаган эди.
Самарқандда 1956 йилда туғилган фуқаро яшаш уйида вафот этганлиги ҳолати юзасидан прокуратура текширув олиб бормоқда
Лионель Месси Каталония клубини сотиб олди
АҚШ Эронга ядровий қурол ишлаб чиқаришдан сўзсиз воз кечиш эвазига бошқа имкониятни таклиф қилмоқда
