Қирғизистон президенти Садир Жапаров жамоат жойларида ниқобларни кийишни тақиқловчи қонунни тасдиқлади. Ҳужжат давлат раҳбарининг расмий сайтида эълон қилинди.
Қонунга мувофиқ, шахсни идентификация қилишга тўсқинлик қилувчи ва юзни тўсувчи кийимларни кийиш тақиқланади. Бундан фақат касбий фаолият ёки тиббий зарурат учун истисно қилинади.
Қонун диний соҳада назоратни кучайтиришни ҳам ўз ичига олади. Энди атеистларни, бошқа динлар тарафдорларини ёки бетараф шахсларни ўз динига чақириш тақиқланади. Шунингдек, қариялар уйларида, қамоқхоналарда ва ҳарбий қисмларда диний маросимларни ўтказиш ман этилди.
Ўқув муассасаларида, жамоат жойларида ёки уйма-уй юриб диний материалларни тарқатиш ҳам тақиқланади.
Бу қоидаларни бузганлик учун 20 000 сом (230 доллар) миқдорида жарима белгилаш белгиланди.
Бундан ташқари, «Виждон эркинлиги ва диний ташкилотлар тўғрисида»ги қонун қабул қилинди. Унга кўра, диний таълим олиш учун чет элга чиқиш Давлат диний ишлар бўйича комиссияси ва диний ташкилот раҳбарияти билан келишилган бўлиши шарт.
Иккала қонун ҳам 2024 йил 26 декабрида Қирғизистон парламенти томонидан тасдиқланган.
"Кўринмас" рус дронлари Украина артиллериясини мазах қилмоқда
Россия Су-35’ларни Хитойга сотиб хато қилдими? Хитой Су-35’ларни учиш учун эмас, нусха олиш учун олган!
Россия Хитойдан тинчликпарвар кучларни қабул қилишга рози
