Вазирлар Маҳкамаси Раиси Адилбек Қосималиев, Ўзбекистон Бош вазири Абдулла Арипов ва Тожикистон Бош вазири Коҳир Расулзода ўртасида уч томонлама учрашув бўлиб ўтди. Учрашув уч давлат – Қирғизистоннинг Боткен вилояти, Ўзбекистоннинг Фарғона вилояти ва Тожикистоннинг Сўғд вилояти чегаралари туташган жойда бўлиб ўтди.
Бу ҳақда Қирғизистон вазирлар маҳкамаси матбуот хизмати хабар берди.
Томонлар учрашув уч мамлакат давлат раҳбарлари ўртасида давлат чегараси масалалари бўйича аввал эришилган келишувлар доирасида бўлиб ўтганини қайд этди.
Уч мамлакат бош вазирлари савдо, логистика, сув-энергетика ва маданий-гуманитар алоқалар каби соҳаларда ўзаро ҳамкорликни мустаҳкамлаш салоҳиятига эга эканини маълум қилди. Ҳамкорликнинг муҳим таркибий қисми, уларнинг фикрича, трансчегаравий ва минтақалараро ҳамкорликни ривожлантиришдир.
Бундан ташқари, учрашувда Қирғизистон ва Ўзбекистон ўртасидаги давлат чегарасини делимитация қилиш ва “Қирғизистон-Ўзбекистон давлат чегараси тўғрисида”ги шартномага ратификация ҳужжатлари алмашиш жараёни якунлангани қайд этилди.
Қирғизистон ва Тожикистон ўртасидаги 2024 йил 4 декабрдаги давлат чегараси тўғрисидаги келишувда Қирғизистон-Тожикистон давлат чегарасининг қолган участкаларини тавсифлаш жараёнини якунлаш муҳимлиги қайд этилган.
Жаҳон IQ рейтинги: энг ақлли инсонлар қайси давлатларда яшайди? Ўзбекистон нечанчи ўринда?
Алишер Қодиров Қонунга қарши овоз берган ҳамкасбларига мурожаат қилди: “Истеъмолчининг 3 тадан 2 таси ёшлар. Ярми қизлар”
Яна бир йирик давлат БРИКС аъзосига айланди
