Қирғизистон президенти Садир Жапаров мамлакатга кўчиб келган этник қирғизларга фуқаролик ва паспорт бериш жараёнини тезлаштириш бўйича топшириқ берди. Бу ҳақда АКИpress агентлиги хабар қилди.
Масала давлат раҳбарининг Боткен вилояти аҳолиси билан учрашувида кўтарилган. Ўзбекистондан кўчиб бориб, қирғизистонлик фуқарога турмушга чиққан аёл узоқ йиллардан буён фуқаролик ололмаётганини билдирган.
Аёлнинг мурожаатини эшитган Жапаров масъулларга ҳужжатларни расмийлаштиришда ортиқча кечикишларга йўл қўймасликни буюрган.
"Агар у этник қирғиз бўлса, кутиб ўтирманглар, бир кунда фуқаролик беринглар", деган президент.
Жапаров, шунингдек, Афғонистон ва Тожикистондан келган айрим этник қирғизлар ҳануз "қайрилман", яъни тарихий ватанига қайтган шахс мақомида яшаётганини қайд этган.
Президентнинг мазкур кўрсатмаси этник қирғизларнинг фуқаролик олиш бўйича мурожаатларини тезкор кўриб чиқишга қаратилган.
Майк Тайсон Трампнинг таклифига биноан Оқ уйга ташриф буюрди (фото)
Расман: Испаниялик мураббий Ўзбекистон терма жамоасини тарк этди
«Барселона» футболчисини 500 миллион еврога сотмоқчи
