DW нашрининг Дональд Трампнинг Владимир Зеленскийга Россиядаги нефтни қайта ишлаш заводларига ҳужум қилмаслик ҳақидаги чақириқларига Украина қандай жавоб бериши кераклиги ҳақидаги саволига АҚШ генерали Кит Келлог қисқа жавоб берди: «Нефтни қайта ишлаш заводларини ёқиш керак».
АҚШ президентининг Украина бўйича собиқ махсус вакили, шунингдек, Россия ва Украина ўртасидаги урушда ташаббус Москва томонига ўтаётгани ҳақидаги фикрга ҳам қўшилмади. Бу, жумладан, АҚШ билан тузилган дизель ёқилғиси бўйича келишув билан боғланаётган эди.
«Бу келишув кўпроқ АҚШнинг ички сабаблари билан боғлиқ», — деди Келлог Варшавада бўлиб ўтган хавфсизлик конференцияси доирасида DW нашрига берган суҳбатида.
Келлог Оқ уй раҳбари «Украинага хиёнат қилди» деган фикрга ҳам қўшилмади. Унинг таъкидлашича, Европада шундай деб ҳисоблаётганлар янглишмоқда.
Генерал бу борадаги саволга қарши савол билан жавоб берди:
«Нега Европа ҳалигача Россиядан ўз нефтининг 3 фоизини сотиб олмоқда? Нега суюлтирилган табиий газнинг 15 фоизи ҳамон Россиядан келмоқда? Бу ҳам сизлар Украинага хиёнат қилганингизни англатадими?»
MrBeast: “Ўзбекистонда мухлисларим шу қадар кўпки, балки кетишимизга тўғри келар”
Нега айнан Эркинжон Турдимов? Бу қарор ортида қандай омиллар турибди?
Германия Россия билан дизель ёқилғиси етказиб бериш бўйича келишув тузишни таклиф қилди
