Венгрия Украинага ҳарбий ёрдам кўрсатишдан бош тортди

Будапешт Киевга қурол-яроғ етказиб бермайди. Бу ҳақда Венгрия бош вазири Петер Мадьяр маълум қилди.

“Венгрия Украинага қуролли ёрдам кўрсатиш ниятида эмас ва ўз ҳудуди орқали қурол етказиб бериш транзитига йўл қўймайди”, - деди у Финляндиянинг “Helsingin Sanomat” газетасига берган интервьюсида.

Венгрия ҳукумат раҳбари Карпатортидаги венгер озчилигининг ҳуқуқлари муҳимлигини таъкидлади. Мадьярнинг сўзларига кўра, бу масалани ҳал қилиш бўйича келишувга эришилган.

Мадьяр 2026 йил майида мамлакат ҳукумати тепасига келди. У бу лавозимда 2010 йилдан бери ҳукуматни бошқарган Виктор Орбаннинг ўрнини эгаллади.

Ҳокимиятга келганидан сўнг Венгриянинг янги бош вазири Россия билан, айниқса, иқтисодий соҳада прагматик муносабатларни сақлаб қолиш нияти борлигини билдирди.

Москва Ғарбнинг Украина режимига қурол етказиб бериши можарони чўзишини бир неча бор таъкидлаган ва қурол ортилган ҳар қандай транспорт Россия армиясининг қонуний нишонига айланишидан огоҳлантирган.