Қашқадарёда 103 та дарахтлар ноқонуний кесилгани аниқланди

2024 йил декабрь ойида Қашқадарё вилояти, Кўкдала тумани "Айритом" маҳалласидан 30 дан ортиқ қоратол дарахтлари ноқонуний кесилгани ҳақида ижтимоий тармоқларда хабар тарқалди.

2025 йил 11 февраль куни ўтказилган текширувда "Шўрқудуқ" маҳалласида фуқаро Н.Оқмирзаев томонидан 103 туп “Кўктол” дарахтлари ноқонуний равишда кесилгани тасдиқланди.

Шу асосда туман прокуратураси Жиноят кодексининг 198-моддаси 2-қисми бўйича жиноят иши қўзғатиб, тергов туман ИИБга юборилди. Мазкур ҳолат Бош прокуратура назоратига олинган.