Россия президенти Владимир Путин Ички ишлар вазирлиги, Тергов қўмитаси, Фавқулодда вазиятлар вазирлиги ва Адлия вазирлигида кенг кўламли лавозим алмашинувларини амалга оширди. Ушбу ўзгаришлар натижасида бир қатор юқори лавозимдаги ҳуқуқ-тартибот идоралари ходимлари ишдан олинди.
Путин имзолаган фармонга кўра, ишдан бўшатишлар Москва, Москва вилояти, Тотористон, Кемерово ва Киров вилоятларида амалга оширилди. Ўринларини бўшатганлар орасида полиция бошлиқлари, тергов бошқармалари раҳбарлари ва федерал вазирликлар департаментлари раҳбарлари бор.
Айримлар пенсия ёши ёки шахсий ариза асосида ишдан кетган. Аммо ишдан олинганларнинг баъзилари ИИВда оператив фаолият ёки Москвадаги тергов ишларига раҳбарлик қилган.
Шу билан бирга, президент бир қатор лавозимларга тайинловлар ҳам амалга оширди. Волгоград, Курган ва Тува республикаларида ИИВ раҳбарлари, Сахалин, Республика Алтай ва Архангельск вилоятларида Тергов қўмитаси раҳбарлари алмашди. ИИВда иқтисодий хавфсизлик, миграция масалалари ва жамоат тартибини муҳофаза қилиш бўйича янги ўринбосарлар тайинланди.
Президент фармони расман эълон қилинмаган, аммо ротациялар ҳақидаги маълумотлар ҳудудий манбалар ва ҳуқуқ-тартибот тизими билан боғлиқ телеграм-каналлар орқали тарқалмоқда.
Аёлларнинг пенсия ёши яна 6 ойга оширилди
Қирғизистонда фавқулодда ҳолат эълон қилинди
Эрон зарбаларини қайтаришда Исроилга ёрдам берган Иорданияда ароқдан заҳарланиб 9 киши ўлди
