Россиянинг келгуси ойда Украинада уч кунлик бир томонлама вақтинчалик тинчлик эълон қилиши Украина томонидан ишончсизлик билан кутиб олинди.
Кремль душанба куни Буюк Ватан урушининг 80 йиллигини нишонлаш учун вақтинчалик тинчлик эълон қилди. Бу Россия 1941 йилда иттифоқчиларга қўшилганидан кейин Иккинчи жаҳон урушидаги иштирокини ва 1945 йилда фашистлар Германияси устидан қозонилган ғалабани ифодалаш учун қўлланиладиган атама. Москва Украинага бостириб киришининг мақсади мамлакатни "нацизмдан тозалаш" эканлигини доимий равишда таъкидлаб келмоқда, аммо бу баҳона кўпчилик томонидан рад этилган.
Кремль маълум қилишича, Россия 8 май куни ярим тундан 11 май куни ярим тунгача ҳеч қандай ҳарбий ҳаракатлар олиб бормайди. Шунингдек, "Россия Украина томони ҳам бунга эргашиши керак деб ҳисобламоқда," дея қўшимча қилинди.
Россия президенти Владимир Путин, эҳтимол, Россияда одатда катта байрамлар ўтказиладиган 9 май куни Украинанинг эҳтимолий ҳужумларини олдини олишга умид қилмоқда, деб айтди Украина парламентининг ташқи ишлар қўмитаси раиси ва Украина президенти Володимир Зеленский партияси аъзоси Олександр Мережко.
Мережко Newsweek нашрига буни "соф тарғибот ҳаракати" деб таърифлади.
Хитойликлар оролни эгаллади ва тарк этди
Қозоғистон Хитойга ер бергани ҳақиқатми?
Россия Ҳиндистон ва Покистонга мурожаат қилди
