Трамп: Мен Украина томонидаман, лекин Зеленский эмас

АҚШ президенти Доналд Трамп Аtlantic журналига берган интервюсида Россияга қарши урушда Украинани қўллаб-қувватлаш имкониятига рухсат беришини айтди, гарчи у Влaдимир Зеленский билан кескин муносабатларни сақлаб турган бўлса ҳам.

“Зеленский тарафида эмас, балки Украина томонида, ҳа”, — дея таъкидлади Трамп ва Украина етакчиси билан муносабатлар оғирлигича қолаётганини қўшимча қилди, бу уларнинг 28-феврал куни Оқ уйда бўлиб ўтган учрашувида ҳам яққол кўринди.

Киевга эҳтимолий янги ҳарбий ёрдам ҳақидаги саволга Трамп шундай деди: "Бу том маънода қурол бўлиши шарт эмас. Санкциялар ва банк чекловлари ҳам қуролдир".

Ўтган ҳафта охирида Оқ уй раҳбари Россия президенти Владимир Путинни Украина шаҳарларига ракета зарбалари бергани учун танқид қилиб, бу каби ҳаракатлар Кремлнинг тинчлик масаласидаги самимийлигига шубҳа уйғотаётганини айтди.

Ўт очишни тўхтатиш бўйича музокаралар чоғида АҚШ вице-президенти Ж.Д.Венс Трампнинг дипломатик саъй-ҳаракатларини қўллаб-қувватлашини билдириб, сўнгги уч ойда олдинги уч йилга нисбатан кўпроқ муваффақиятга эришилганини таъкидлади. Шу билан бирга, у огоҳлантирди: "Агар уруш тўхтатилмаса, Украина ғалаба қозона олмайди". Венснинг фикрича, агар жанговар ҳаракатлар яна бир неча йил давом этса, Россиянинг қулашига умид қилиш ядро урушига олиб келиши мумкин бўлган хавфли иллюзиядир.

Айни пайтда Кремл Иккинчи жаҳон уруши тугаганининг 80 йиллиги муносабати билан 8-11 май кунлари вақтинчалик ўт очишни тўхтатиш режасини эълон қилди. Зеленский бу ташаббусга кескин муносабат билдирди ва ўт очишни тўхтатиш зудлик билан, тўлиқ ва ҳақиқий музокаралар учун асос бўлиши учун камида 30 кун давом этиши кераклигини таъкидлади. Американинг тинчлик режаси, деди у, ҳали ҳам амалда.