El Desmarque хабарига кўра, Испанияда электр энергиясининг ўчиб қолиши туфайли Чемпионлар Лигаси ярим финалидаги "Барселона" - "Интер" учрашуви кўчирилиши мумкин.
Қайд этилишича, "Интер" бугун куннинг иккинчи ярмида Каталония пойтахтига етиб келиши режалаштирилган, аммо уларнинг сафари электр таъминотидаги муаммолар туфайли хавф остида қолиши мумкин, бу муаммолар аллақачон авиарейсларнинг бекор қилинишига олиб келди.
Бундан ташқари, Reuters хабарига кўра, Испания Ички ишлар вазирлиги тегишли сўров билан мурожаат қилган ҳудудларда фавқулодда ҳолат эълон қилишни режалаштирмоқда.
Учрашув 30 апрелга белгиланган, бошланиш вақти - 00:00 (Тошкент вақти билан).
Эслатиб ўтамиз, кеча Испания, Португалия, шунингдек, Франциянинг жануби-ғарбида кенг кўламли электр энергияси узилиши содир бўлди. Электр таъминотидаги узилиш Лиссабон ва Мадрид каби шаҳарларда ҳам жамоат ҳаётини фалаж қилиб қўйди.
"Эл-Класико" олдидан "Барселона" мухлислари учун хушхабар бор
"Реал Мадрид" ярим ҳимоячиси: "Барселона"дан қасос олмоқчимиз"
"Барселона" - "Реал". Ўйинни ўтказиб юборадиган футболчилар рўйхати
