Барри Уилмор ва Суни Уильямс Халқаро космик станцияда (ХКС) бир ҳафта қолишни режалаштирганди, бироқ космик кемалар билан боғлиқ муаммолар туфайли улар тўққиз ойдан бери коинотда қолмоқда.
Икки астронавт ўтган йилнинг июнь ойида «Boeing» компаниясининг «Starliner» космик кемасининг бошқариладиган биринчи синов парвозида ХКСга етиб борган, бироқ космик кемадаги муаммолар уларни орбитада қолишга мажбур қилди, деб хабар берди Fox News.
Чоршанба куни SpaceX ва NASA «Crew-10» ракетасининг ХКСга режалаштирилган учирилишини ракетани учириш майдончасида ушлаб турган маҳкамлагичлардан биридаги муаммолар туфайли бекор қилди.
«Falcon 9» ракетаси олти ойлик миссия учун ХКСга тўрт кишилик экипаж олиб бориши кутилмоқда. Улар: NASA астронавтлари Энн Макклейн ва Николь Айерс, япон астронавти Такуя Ониши ва россиялик космонавт Кирилл Песков.
Уилмор ва Уильямс, шунингдек, ХКСнинг яна икки экипаж аъзоси: NASA астронавти Ник Хейг ва россиялик космонавт Александр Горбунов ўтган йилнинг сентябрь ойида космик станцияга етиб борган «SpaceX Dragon» капсуласида уйларига жўнаб кетади, деб ёзади NBC News.
Яқинда АҚШ президенти Дональд Трамп Илон Маскга космонавтларни ватанга олиб келиш ҳақида кўрсатма берганини айтди.
Ўтган июн ойида Уилмор ва Уилямсни ХКСга олиб чиққан «Boeing» компаниясининг «Starliner» космик кемаси 2024 йил сентябрида “гелий оқиши” ва “бошқарувчи двигателлар билан боғлиқ муаммолар” туфайли экипажсиз Ерга қайтди.
"Кўринмас" рус дронлари Украина артиллериясини мазах қилмоқда
Хитой Австралияни ўраб олди
Россия Су-35’ларни Хитойга сотиб хато қилдими? Хитой Су-35’ларни учиш учун эмас, нусха олиш учун олган!
