"ПСЖ" "Ливерпуль" ва "Реал" қизиқаётган ҳимоячисига янги шартнома таклиф қилди

"ПСЖ"нинг эквадорлик ҳимоячиси Виллиан Пачога меҳнат шартномасини узайтириш таклифи келиб тушди. Бу ҳақда журналист Экрем Конур хабар бермоқда.

Манбага кўра, томонлар ўртасидаги учрашув сентябрь ойида бўлиб ўтган. Агар 23 ёшли Пачо янги шартнома имзоласа, у 2031 йилнинг ёзигача амал қилади. Қайд этилишича, шартномада турли ютуқлар учун махсус бонуслар белгиланади. Шу билан бирга, журналистнинг таъкидлашича, Пачога "Ливерпуль" ва Мадриднинг "Реал" клублари қизиқиш билдирмоқда.

Бу мавсумда Пачо барча мусобақаларда еттита ўйинда майдонга тушди. Футболчининг парижликлар билан амалдаги шартномаси 2029 йилгача мўлжалланган.