Покистонга режалаштирилган дипломатик сафар бекор қилинди, Эрон бўйича музокаралар қийинлашмоқда

The Wall Street Journal хабар беришича, Дональд Трамп маъмурияти АҚШ махсус вакиллари Стив Уиткофф ва Джаред Кушнернинг Покистонга режалаштирилган сафари бекор қилган.

Ушбу сафар Эрон билан боғлиқ музокараларни давом эттириш ва воситачилик қилиш мақсадида ташкил этилган эди. Аммо Оқ уй қарорни орқага қайтариб, томонлар ўртасида келишмовчиликлар ҳали ҳам жуда катта эканини таъкидлаган.

Маълумотларга кўра, Вашингтон ва Теҳрон ўртасидаги асосий зиддиятлар ядровий дастур, иқтисодий босимлар ва Ҳормуз бўғози атрофидаги вазият билан боғлиқ бўлиб қолмоқда.

АҚШ томони музокараларда олдин силжиш йўқлигини қайд этиб, дипломатик жараён ҳозирча тўхтаб қолганини билдирмоқда.