Покистон Трампга 2026 йилда Нобел Тинчлик мукофотини беришни таклиф қилди

Покистон Трампга 2026 йилда Нобел Тинчлик мукофотини беришни таклиф қилди — «сўнгги Кaшмирдаги кескинлик вақтида унинг ҳал қилувчи дипломатик аралашуви ва етакчи ролини тан олиш сифатида».

The Hindu нашрининг ёзишича, Покистон Ташқи ишлар вазирлиги Трампнинг «стратегик кўриш қобилияти ва давлат донолигини» таъкидлаб, тарнгликни камайтиб, кенг кўламли можарони олдини олганини билдирди. Шунингдек, Трамп «Кaшмир бўйича воситачилик таклиф қилган» ва глобал жараёнларда ижобий рол ўйнашда давом этмоқда.

Трамп эса бир неча маротаба икки ядро давлат орасидаги урушни олдини олишда айнан унинг саъй-ҳаракатлари ёрдам берганини айтган. Аммо Ҳиндистон буни рад этар экан, отишмани тўхтатиш бўйича келишув икки мамлакат ҳарбийлари ўртасида бевосита эришилганини, АҚШ аралашмаганини таъкидлайди.

Шуни таъкидлаш жоизки, АҚШ президенти кеча кечқурун ўзининг Truth Social платформасида ёзишича, у аллақачон ҳал қилган можаролар учун Нобел Тинчлик мукофотини ололмаслигини, чунки бу мукофот «фақат либераларга берилади». У бу можаролар қаторида Ҳиндистон ва Покистон ўртасидаги кескинликни ҳам санаб ўтди.

«Мен нима қилмасинман, Россия/Украина, Исроил/Эрон — натижалар қандай бўлмасин, Нобел Тинчлик мукофотини олмайман, лекин одамлар билади, ва бу менинг учун энг муҳими», — деди Трамп.

АҚШ президентининг бундай мукофотни олишни исташи ҳақида олдинроқ Трампнинг собиқ маслаҳатчиси Жон Болтон ҳамда бошқа америкалик фаол шахслардан бир нечтаси гапирганди.