Пеп «Сити»нинг «Реал» тўсиғидан ўта олишини 1% деб баҳолади

«Манчестер Сити» бош мураббийи Пеп Гвардиола жамоасининг ЕЧЛ 1/8 финали чиқиш имкониятларини баҳолади.

«Шаҳарликлар» ўтиш босқичида ўз майдонида «Реал»га (2:3) ютқазишди. Жавоб беллашуви 19 феврал куни Мадридда ўтказилади.

«Ҳамма «Бернабеу»да ғалаба қозонишимиз кераклигини тушуниб турибди. Аммо сиз ўйиндан олдин кейинги босқичга чиқишимиз эҳтимоли ҳақида сўрасангиз, мен билмайман, бу минималдир. 1% деб айта оламан. Лекин агар имконият бўлса, албатта, ҳаракат қиламиз», — дейди испаниялик мутахассис.

Букмекерлар эса АПЛ чемпионининг кейинги босқичга чиқиш имкониятини 19 фоиз деб баҳоламоқда.