Пентагон Панама каналини қўлга киритиш бўйича операция ишлаб чиқди

АҚШ ҳарбийлари АҚШ президенти Дональд Трамп маъмурияти буйруғига асосан Панамадаги америкалик ҳарбийлар мавжудлигини кенгайтиришнинг бир қанча вариантларини, жумладан Панама каналини қўлга олиш бўйича операцияни ишлаб чиқди.

Бу ҳақда NBC News телеканали хабар берди.

Унга кўра, АҚШ жанубий қўмондонлиги ҳаракат вариантлари устида ишламоқда.

Қайд этилишича, булар қаторига Панама билан ҳарбий ҳамкорликни кенгайтириш ҳам, Атлантика ва Тинч океанлари орасидаги канални мажбуран тортиб олиш эҳтимоли камроқ сценарий ҳам киради.

Телеканал суҳбатдошлари таъкидлаганидек, ҳарбий куч ишлатиш эҳтимоли Панама томонининг ҳарбий идоралар ўртасидаги икки томонлама ҳамкорликни чуқурлаштиришга тайёрлигига боғлиқ.