Афсонавий бразилиялик ҳужумчи Пеленинг 1958 йилги Жаҳон чемпионати финалида кийган футболкаси Нью-Йоркдаги Sotheby's аукционида 4,9 миллион долларга сотилди. Бу ҳақда Daily Mail нашри хабар бермоқда.
Турнирнинг ҳал қилувчи баҳсида 17 ёшли Пеле дубль муаллифи бўлиб, Бразилиянинг Швеция устидан 5:2 ҳисобида ғалаба қозонишига ҳисса қўшган. Ўша ғалаба бразилияликларга ўз тарихидаги илк Жаҳон чемпионлигини олиб келган эди.
Лот учун бешта харидор кураш олиб борди. Аукцион ғолибининг исми ошкор этилмади. Сотилган футболка футбол аукционлари тарихидаги энг қимматбаҳо иккинчи лотга айланди. Фақатгина Диего Марадонанинг 1986 йилги Жаҳон чемпионати чорак финалида Англияга қарши ўйинда кийган футболкаси қимматроқ баҳоланган. У 9,3 миллион долларга сотилган эди.
"100 миллион доллар эвазига ҳатто ўз отамнинг ҳам юзига ураман"
Шавкат Раҳмонов энди октагонга умуман қайтмайди
Ҳакамликдаги шов-шувдан кейин «Пахтакор» ҳомийси клубдан кетиши мумкин
