Украина тинчликни истайди, аммо Россияга таслим бўлмайди

Украина тинчликни истайди, аммо Россияга таслим бўлмайди — Зеленский.

Украина президенти Зеленский мамлакат мустақиллигининг 35 йиллиги муносабати билан ўтказилган тадбирда сўзлаган нутқида Киев тинчликни исташини, бироқ ҳар қандай шарт эвазига Москвага таслим бўлмаслигини айтди.

Унинг сўзларига кўра, Украина Россиянинг шарқдаги ҳудудларни бериш ҳақидаги талабларига рози бўлган тақдирда ҳам, Москва ўз тажовузини давом эттириши мумкин.

Зеленский Киев урушни тўхтатиш учун зарур бўлган барча ёрдамни олишни исташини, бироқ иттифоқчилардан Украина учун жанг қилишни сўрамаётганини таъкидлади.

Украинанинг Мустақиллик куни тадбирларида Володимир Зеленский билан бирга Буюк Британия бош вазири Энди Бёрнҳем ва Европа Кенгаши президенти Антонио Кошта ҳам иштирок этди. Бёрнҳем Киевга ташрифи орқали Буюк Британиянинг Украина мудофаасини қўллаб-қувватлашдаги қатъий позициясини кўрсатмоқчи эканини билдирди.