Навоийда отаси оғзига пайпоқ солиб қўйган 5 ойлик чақалоқ вафот этди

Навоий вилоятининг Хатирчи туманида ота йиғлаётган беш ойлик чақалоғининг оғзига пайпоқ солиб қўйди. Бу ҳақда Zamon ахборот дастурида хабар берилди.

Ҳодисан сўнг, бола бўғилишдан кўкариб кетган ва онаси уни касалхонага олиб борган. Аммо кўрсатилган тиббий ёрдамга қарамай, у тўрт кундан кейин вафот этди.

Хусусан, чақалоқ 10 январ куни ярим тунда касалхонага ётқизилиб, унда клиник ўлим кузатилиб, юрак уриши йўқ эди. Шифокорлар юрак массажини ўтказди, натижада юрак қайта ишлаган. Аммо 14-январ куни тахминан соат 22:00 да биологик ўлим содир бўлган.

Маълум бўлишича, бу эркакнинг иккинчи оиласи бўлиб, эркак олдин хам болаларга зўравонлик қилган. Эркак билан мунтазам равишда профилактик ишлар олиб борилган.

Мазкур ҳолат юзасидан Жиноят кодексининг 104-моддаси (баданга қасддан оғир шикаст этказиш) билан жиноят иши қўзғатилиб, эркак ҳибсга олинган.