Анқарада ўтган НАТО саммитида Украинага Россия ҳудуди ичкарисига узоқ масофали зарбалар бериш имкониятларини кенгайтириш масаласи муҳокама қилинди. Ғарб давлатлари буни Москвага босим ўтказиш ва урушни тугатишга хизмат қиладиган омил сифатида баҳоламоқда.
НАТО бош котиби Марк Рютте Россия энергетика инфратузилмасига берилган зарбалар Москва учун қўшимча босим яратаётганини таъкидлади.
АҚШ президенти Дональд Трамп эса вазиятнинг кескинлашуви урушни якунлаш бўйича музокараларга туртки бериши мумкинлигини билдирди. АҚШ давлат котиби Марко Рубио ҳам Украина томонидан Россия ҳудудига узоқ масофали зарбалар сўнгги ойлардаги муҳим ўзгаришлардан бири бўлганини қайд этди.
Кремль эса бу ёндашувни рад этди. Россия президенти матбуот котиби Дмитрий Песков ҳарбий босим орқали тинчликка эришиш мумкинлиги ҳақидаги қарашни «нотўғри тушунча» деб атади. Унинг сўзларига кўра, бундай ҳаракатлар Россияни хавфсизлик ҳудудини янада кенгайтиришга мажбур қилади.
Россия ташқи ишлар вазири Сергей Лавров ҳам НАТО саммитидан кейин Ғарб билан Украина масаласида музокаралар ўтказиш имконияти деярли қолмаганини билдириб, Москва Ғарбнинг ҳаракатларини Россияга нисбатан босимни кучайтириш сиёсати сифатида баҳолаётганини айтди.
Ўн йилдан сўнг пулнинг аҳамияти деярли қолмайди
Эрон 200 нафардан ортиқ америкалик ҳарбий хизматчиларни йўқ қилди
Озарбайжон Эронга жавоб чораларини кўрди
