АҚШ президенти Доналд Трамп Вашингтон Россиянинг Украина билан урушини тугатиш бўйича "жуда жиддий музокаралар олиб бораётгани"ни маълум қилди.
"Биз суҳбатлашамиз ва эҳтимол, жуда муҳим бўлган бирор нарса қиламиз. Биз бу урушни тугатмоқчимиз. Мен президент бўлганимда бу уруш ҳеч қачон бошланмаган бўларди," дея Трамп яна бир бор таъкидлади.
Президент АҚШнинг урушни тугатиш масаласини "жуда жиддий муҳокама қилаётгани"ни айтди. Журналистлар бу муҳокамаларинг Россия билан олиб борилаётганини аниқлаштирди. "Ҳа, Россия билан," деб жавоб берди Трамп.
У батафсил маълумот келтирмади. Бир кун олдин Трамп Путин билан бўлиши мумкин бўлган алоқалари ҳақида изоҳ беришдан бош тортган, аммо бу йўналишда "ишлар яхши кетаётганини" таъкидлаган эди.
30 январь куни Россия президенти матбуот котиби Дмитрий Песков Владимир Путин ва Доналд Трамп ҳозиргача телефон орқали гаплашмаганини айтган эди. Ташқи ишлар вазири ўринбосари Сергей Рябков 31 январь куни музокаралар бўйича "ҳеч қандай ўзгариш йўқ"лигини маълум қилган.
Қодиров ғойиб бўлди
Россия аллақачон Эрон ва КХДР каби барча тақиқланган давлатлардан ўзиб, жаҳон рекордчисига айланди
Зеленский Киевнинг хатосини эълон қилди
