Президент Шавкат Мирзиёев бугун, 6 июль куни Қозоғистоннинг биринчи президенти Нурсултон Назарбоев билан телефон орқали мулоқот қилди. Бу ҳақда Ўзбекистон раҳбарининг матбуот хизмати хабар берди.
Давлат раҳбари 85 ёшга тўлган Нурсултон Назарбоевни таваллуд куни билан самимий табриклаб, унга мустаҳкам соғлик, бахт-саодат ва муваффақиятлар тилади.
Шунингдек, телефон мулоқотида Ўзбекистон-Қозоғистон дўстлик, яхши қўшничилик, стратегик шериклик ва иттифоқчилик муносабатларининг бугунги даражаси, кўп қиррали ҳамкорлик барча йўналишларда жадал ривожланиб бораётгани катта мамнуният билан қайд этилди.
Маълумот учун, Нурсултон Назарбоев 1940 йил 6 июлда Қозоғистоннинг Олмаота вилоятида туғилган. У 1991 йилдан 2019 йилгача Қозоғистон президенти бўлган.
Кеча Ўзбекистонда энг иссиқ ҳарорат рекорди янгиланди!
Кеча Тошкентда рекорд даражадаги иссиқ ҳаво қайд этилди
"Лўлилар қироли қайтмоқда!.."
