Мессининг имзоси туширилган футболка ва сардорлик боғичи Парижда ўғирланди

Францияда юз берган оммавий тартибсизликлар вақтида Париждаги футбол музейидан Лионель Мессига тегишли эсдалик буюмлари ўғирлангани хабар қилинди.

Noticias Argentinas агентлигининг маълум қилишича, 17 октябрь куни юзларини беркитган бир гуруҳ шахс музей биносига кириб, аргентиналик футболчининг дастхати туширилган футболкаси ва сардорлик боғичини олиб кетган.

TyC Sports нашрига кўра, ушбу буюмлар Месси «Барселона» сафида тўп сурган даврда фойдаланган футболка ва сардорлик боғичи ҳисобланади.

Мазкур воқеа Франциянинг бир қатор шаҳарларида оммавий норозилик намойишлари ўтказилган пайтга тўғри келди.

17 октябрь куни мамлакатда яшаш харажатларининг ортиши ва таълим тизимидаги муаммоларга қарши намойишлар бўлиб ўтди. Айрим ҳудудларда норозилик акциялари полиция билан тўқнашувлар ва талон-торож ҳолатларига айланиб кетди.