Португалия футбол федерацияси Роналду бўйича ўз позициясини маълум қилди

Португалия футбол федерацияси (FPF) раҳбари Педру Проэнса ҳужумчи ва сардор Криштиану Роналду миллий жамоа учун муҳим футболчи эканини ҳамда уни яна ғалабалар сари етаклай олишини таъкидлади.

"Ўйлайманки, сардоримиз ҳамма нарсани айтиб бўлди, бош мураббиймиз ҳамма нарсани айтиб бўлди, ҳатто Португалия футбол федерацияси ҳам ҳамма нарсани айтиб бўлди. Биз бирдаммиз. Бизнинг истагимиз — Миллатлар лигасида ғалаба қозониш ва биз барчага ишонамиз. Очиқ-один кўриниб турибдики, сардоримиз Криштиану Роналду бунинг учун асосий фигуралардан биридир.

Албатта, Роналдунинг қайтиши учун шароитлар мавжуд. Бу нарса унинг шахсий хатида ҳам очиқланган эди, бу ҳақда терма жамоа бош мураббийининг ўзи ҳам айтди, Португалия футбол федерацияси ҳам ўз фикрини билдирди. Шу сабабли ҳозир ҳамма бир стол атрофига ўтириб, яхши ечимларни топиши керак бўлган хотиржамлик лаҳзаси келди", — дейди Проэнсанинг сўзларини A Bola нашри.