Аргентиналик Лионель Месси ва португалиялик Криштиану Роналду Карлос Тевеснинг хайрлашув учрашувида бир жамоа сафида майдонга тушиши мумкин. Тевеснинг айтишича, ҳар икки футболчи ҳам таклифга розилик билдирган.
Хайрлашув ўйини 2026 йил декабрида Буэнос-Айресдаги машҳур «Ла Бомбонера» стадионида ўтказилиши режалаштирилган. Аввалги хабарларда учрашув 19 декабрга белгиланиши мумкинлиги айтилган.
«Мен доимо Криштиану ва Леони бир жамоада кўришни орзу қилганман. Улар барча даврларнинг энг буюк икки футболчиси. Иккаласи билан ҳам боғландим. Роналдуга бу ғояни айтганимда, у келишини билдирди. Леони кўндириш ҳам қийин бўлмади. Иккаласи ҳам розилик берди», – деган Тевес.
Тевес фаолияти давомида Роналду билан Англиянинг «Манчестер Юнайтед» клубида бирга ўйнаган. Месси билан эса Аргентина миллий терма жамоасида шерик бўлган.
Хайрлашув учрашувига Уэйн Руни ва Андреа Пирло каби Тевес билан бирга ўйнаган бошқа машҳур футболчилар ҳам таклиф қилиниши кутилмоқда.
Ҳозирча Месси ва Роналду томонидан учрашувда қатнашиш бўйича алоҳида расмий баёнот берилмаган. Улар розилик бергани ҳақидаги маълумот Тевеснинг сўзларига асосланмоқда.
Шаҳноза Мирзиёева Мусулмон Юнусовнинг мурожаатига муносабат билдирди
Дунё харитаси 500 йил ичида илк бор янгиланди
💴 Адлия вазирлиги Ўзбекистондаги пенсия ва нафақалар миқдорини эслатди
