Месси: "Барселона"га қайтмоқчи эдим"

"Интер Майами" футболчиси Лионель Месси "Барселона"га қайтишни истаганини тан олди.

Аргентиналик футболчи Каталония клубида 20 йилдан ортиқ вақт ўтказган. 2021 йилда "кўк-анорранглилар" унинг шартномасини узайтира олмади ва футболчи "ПСЖ"га ўтди. Яна икки йил ўтгач, ҳужумчи ҳозирда ўйнаётган "Интер Майами"га кўчиб ўтди.

2023 йилда Месси "Барселона"га қайтиши мумкин эди, аммо келишув амалга ошмади.

"Барселона"га қайтишни истардим - бу доим менинг мақсадим бўлган. Афсуски, буни амалга оширишнинг имкони бўлмади," - дея 37 ёшли ҳужумчининг сўзларини келтиради Inter Miami News Hub.