Германия канцлери Фридрих Мерцнинг айтишича, Бундесвернинг 45-танк бригадасининг Литва ҳудудига жойлаштирилиши "НАТОнинг шарқий қанотини мустаҳкамлаш"га қаратилган.
Бу ҳақда Литва миллий радиоси LRT хабар бермоқда.
Эслатиб ўтамиз, Мерц Литвага эрталаб янги блокни расмий ишга тушириш маросимида иштирок этиш учун етиб келди. Канцлер Литва Президенти Гитанас Науседа билан учрашди.
LRT хабарига кўра, қўшма матбуот анжуманида канцлер бу кунни тарихий деб атади ва "Литва хавфсизлиги Германия хавфсизлигига айланганини" таъкидлади. Рекорд вақт ичида жойлаштирилаётган бўлинма "ўта кескин" хавфсизлик вазиятида НАТОнинг шарқий қанотини мустаҳкамлаш учун мўлжалланган, деди у.
Маълумотларга кўра, янги ҳарбий қисм фаолияти бошланишига бағишланган тадбир Вилнюсдаги собор майдонида бўлиб ўтган. Учрашувда Мерц ва Науседадан ташқари Германия канцлери билан бирга келган Германия Мудофаа вазирлиги раҳбари Борис Писториус ва унинг литвалик ҳамкасби Довиле Шакалиене ҳам иштирок этди. Майдонда Германия, Литва ва НАТОнинг кўп миллатли жанговар гуруҳининг мингга яқин аскарлари саф тортган.
Марказий Осиё халқлари учун Россия энди қизиқ эмас
"Ким Чен Инни суд қилиш вақти келди"
Россия ўт очишни тўхтатиш учун иккита шартни илгари сурмоқда — Bild
