Россиянинг Челябинск вилоятида яшовчи аёл 12 ёшли қизини ёмон тутумлари сабабли ўлдиришни буюртма қилган. Бу ҳақда Life.ru нашри ШОТ Телеграм-каналига таяниб хабар берди.
Маълумотларга кўра, Измайловское қишлоғида яшовчи аёл таниш эркакни уйига таклиф қилиб, қизидан шикоят қилган. Унинг айтишича, фарзанди унга қулоқ солмас, итоатсиз ва тартибсиз эди. Шундан сўнг у танишига қизини дарёга чўктириб ўлдириш эвазига 100 минг рубль таклиф қилган.
Эркак аёлнинг таклифидан ҳайратга тушган. У қизчани яширинча ўз уйида сақлаб, кейин полицияга мурожаат қилиб, бўлаётган жиноят ҳақида хабар берган.
Ҳозирда она ҳибсга олинган. Унга нисбатан вояга етмаган шахсни пул эвазига ўлдиришга ундаш моддаси билан жиноят иши қўзғатилган. Аёл 15 йилгача озодликдан маҳрум этилиши мумкин.
Марказий Осиё халқлари учун Россия энди қизиқ эмас
"Ким Чен Инни суд қилиш вақти келди"
Россия ўт очишни тўхтатиш учун иккита шартни илгари сурмоқда — Bild
