Сергей Лавровга кўра, Россия урушни тўхтатиш бўйича ҳужжат лойиҳасини ҳарбий асирлар алмашинуви якунланиши билан Украинага топширишга тайёр бўлади.
Россия ташқи ишлар вазири Сергей Лавровнинг сўзларига кўра, Москва “келишувларнинг иккинчи қисми” устида фаол ишламоқда.
"Тинчлик меморандуми ҳужжати лойиҳаси барқарор, узоқ муддатли ва ҳар томонлама тинчликка эришиш шартларини назарда тутади. Ҳарбий асирлар алмашинуви якунланиши билан, биз бундай ҳужжат лойиҳасини украин томонига топширишга тайёр бўламиз. Россия айни дамда уни якунламоқда", — деди Лавров.
Тинчлик ҳақидаги меморандуми ҳақида илк бор Россия президенти Владимир Путин АҚШ президенти Доналд Трамп билан 19 май куни ўтказилган суҳбатдан сўнг маълум қилганди.
"Россия тинчлик шартномаси бўйича келажакдаги эҳтимолий келишув юзасидан Украина билан ишлашга тайёр экани ва тинчлик меморандумини ишлаб чиқишни таклиф қилгани ҳақида келишиб олдик", — дея таъкидлаган эди Путин.
Унинг сўзларига кўра, мазкур меморандумда зарур келишувларга эришилган тақдирда маълум муддатга ўт очишни тўхтатиш тамойиллари қайд этилиши керак.
"Ким Чен Инни суд қилиш вақти келди"
Россия ўт очишни тўхтатиш учун иккита шартни илгари сурмоқда — Bild
Эрон жасорат кўрсатмоқда
