Россия армияси фронтда "уч томонлама бўғиш" тактикасини кенг қўллашни бошлади. Бу уларга секин, аммо барқарор равишда олдинга силжиш имконини бермоқда, деб ёзади The Telegraph.
Нашрнинг таъкидлашича, жорий йил бошида Россиянинг бу тактикани жанг майдонида қўллаётганининг дастлабки белгилари пайдо бўлган. Сўнгги икки ой ичида эса руслар уни фронт чизиғи бўйлаб қўллашни сезиларли даражада кучайтирган.
Шу йил бошидан бери Россия ресурсларнинг тугаши ва кўплаб муваффақиятсиз ҳужумларга дуч келди. Хабар қилинишича, Россия армияси кунига 1000 дан ортиқ аскарини йўқотмоқда. Украина қуролли кучлари эса 2023 йил бошидан бери Россиянинг 1159 та танки ва 2500 дан ортиқ зирҳли техникасини йўқ қилган.
Газетанинг ёзишича, русларнинг янги ёндашувининг биринчи босқичи қуруқликдаги ҳужумни назарда тутади. Бу Украина Қуролли Кучларини (УҚК) чеклаб қўяди ва уларни мудофаа позицияларини эгаллашга мажбур қилади.
Кейинчалик учувчисиз учиш аппаратлари ҳужум қилиб, украиналик аскарларнинг чекиниш йўлларини кесиб қўяди. Якуний босқичда эса Украина Қуролли Кучларининг истеҳкомлари планер авиабомбалар билан зарба олади.
Мутахассислар таъкидлашича, бундай комбинация украиналик аскарларни катта йўқотишлар хавфи билан позицияларни ушлаб туриш ва ресурсларнинг тугаши ўртасида, ёки уларни дронлар зарбалари ва аниқ ҳужумларга кўпроқ заиф қиладиган манёвр ўртасида танлов қилишга мажбур этади.
"Бутун Россия армияси учбурчак стратегиясидан фойдаланмоқда. Биз буни стратегия ва толиқтириш уруши деб атаймиз," - деди Украина Мудофаа вазирлигининг собиқ маслаҳатчиси, Украина хавфсизлик ва ҳамкорлик маркази раиси Сергей Кузан.
Марказий Осиё халқлари учун Россия энди қизиқ эмас
"Ким Чен Инни суд қилиш вақти келди"
Россия ўт очишни тўхтатиш учун иккита шартни илгари сурмоқда — Bild
