Германия канцлери Фридрих Мерц ХХР раиси Си Цзиньпин билан телефон орқали мулоқот қилиб, Украинада ўт очишни тўхтатиш режимини тезроқ ўрнатиш бўйича саъй-ҳаракатларни қўллаб-қувватлашни сўради.
Бу ҳақда Берлинда ГФР ҳукумати расмий вакили Штефан Корнелиус маълум қилди.
"Икки етакчи халқаро ва минтақавий масалалар юзасидан фикр алмашди," - деди у ва Украинадаги можаро ҳам муҳокама қилинганини таъкидлади. "Канцлер Европа ва АҚШнинг тезроқ ярашувга эришиш бўйича биргаликдаги саъй-ҳаракатлари ҳақида маълумот берди. У бу саъй-ҳаракатларни қўллаб-қувватлашга чақирди," - деди Корнелиус.
Унинг сўзларига кўра, Мерц ва Си Цзиньпин глобал таҳдидларни енгиб ўтиш учун биргаликда ишлашга тайёр эканликларини таъкидлаб, ГФР ва Хитой ўртасидаги иқтисодий муносабатлар муҳимлигини таъкидлаган. Шу билан бирга, Мерс ҳалол рақобат муҳимлигини таъкидлади. "Канцлер ва ХХР раиси яқин келажакда Германия-Хитой ҳамкорлигини янада ривожлантириш мақсадида тўғридан-тўғри мулоқотни давом эттиришга келишиб олдилар," - дея хулоса қилди у.
"Ким Чен Инни суд қилиш вақти келди"
Россия ўт очишни тўхтатиш учун иккита шартни илгари сурмоқда — Bild
Эрон жасорат кўрсатмоқда
