Мадриднинг «Реал» клуби ҳужумчиси Килиан Мбаппега нисбатан ирқчилик қилган мухлис жиддий жазога тортилиши мумкин. «Mundo Deportivo» нашрининг хабар беришича, прокуратура ушбу шахсга нисбатан қамоқ жазосини талаб қилмоқда.
Айблов томони «Реал» ҳужумчиси Килиан Мбаппени ирқий камситган мухлисни бир йиллик қамоқ жазосига ҳукм қилишни ва 2880 евро миқдорида жаримага тортишни талаб қилмоқда. Воқеа 2025 йил 24 август куни «Нуэво Карлос Тартьере» стадионида бўлиб ўтган «қаймоқранглилар» ва «Овьедо» (0:3) ўртасидаги ўйинда содир бўлган. Бу ҳақда «Mundo Deportivo» хабар бермоқда.
Прокуратуранинг таъкидлашича, франциялик форварднинг ҳақоратланиш факти видеокамераларга муҳрланган. Ушбу видео кейинчалик ижтимоий тармоқларга жойлаштирилган ва бир неча соат ичида 300 минг марта томоша қилинган.
Таъкидланишича, мухлис Мбаппе учрашувнинг 37-дақиқасида «Овьедо» дарвозасини ишғол қилганидан сўнг уни ҳақорат қилган.
Гвардиола нега Ҳусанов "Ньюкасл"га қарши ўйин танаффусида майдонга туширилганини изоҳлади
"Ал-Ҳилол" футболчилари Бензема билан шартнома имзоланганидан афсусда
Элдор Шомуродов Италияга ташриф буюрди
