Мбаппе "Реал"даги дастлабки мавсумини 43 та гол уриб, рекорд ўрнатди

Мбаппе дебют мавсумида голлар сони бўйича "Реал"нинг аввалги рекордини 6 та тўпга ортда қолдирди.

Килиан Испания чемпионатининг сўнгги турида "Сосьедад"га қарши ўйинда (2:0) дубль қайд этди.

Мадридликлар сафидаги дебют мавсумида француз 43 та гол урди. Улардан 31 таси Ла Лигада, 7 таси Чемпионлар Лигасида, 2 таси Испания Кубогида, биттадан Европа Суперкубоги, Испания Суперкубоги ва қитъалараро кубокда гол урган.

Аввалги рекорд 37 та гол билан Иван Саморанога тегишли бўлиб, у 1992/93 йилги мавсумда ўрнатилганди.