Майк Уолц ҳусийларга зарба бериш муҳокама қилинган чат учун жавобгарликни ўз зиммасига олди

"Мен бу ҳолат бўйича жавобгарликни ўз зиммамга оламан. Бу гуруҳни мен яратганман. Бу шармандали ҳолат. Биз нима бўлганини аниқлаймиз", — деди АҚШ президентининг миллий хавфсизлик бўйича маслаҳатчиси Майк Уолц Fox News телеканалига Signal мессенжеридаги чатнинг ошкор бўлиши ҳақида изоҳ берар экан.

Ушбу чатда Доналд Трамп жамоаси Ямандаги ҳусийларга зарба бериш масаласини муҳокама қилган, бироқ унга тасодифан The Atlantic нашри бош муҳаррири Жеффри Голдберг қўшилиб қолган.

Уолц Голдбергни шахсан танимаслигини, аммо уни "энг ёмон журналистлардан бири" деб ҳисоблашини айтди. Шунга қарамай, Уолцнинг таъкидлашича, унинг телефонида Голдбергнинг контактлари бўлмаган.