Трампнинг сабри тугаяпти, чунки...

Финляндия президентининг айтишича, Дональд Трампнинг сабри тугаяпти, чунки Путин Украинада сулҳ бўйича вақтни чўзмоқда.

Александр Стубб бу ҳақда The Guardian нашрига берган интервюсида айтди. Стубб, шунингдек, ўтган дам олиш кунлари АҚШда Трамп билан учрашгани ва у билан голф ўйнагани ҳақида маълум қилди.

Финляндия президентининг тахминича, сулҳга эришиш бўйича белгиланган охирги муддат — 20 апрел ҳисобланади. Унинг сўзларига кўра, Путин шу санагача тўлиқ ўт очишни тўхтатишга риоя қила бошлаши керак.

Шунингдек, Стубб республикачи сенатор Линдси Грем АҚШ Конгресси сенатига агар Россия шартсиз сулҳга рози бўлмаса, унга қарши кескин санкциялар жорий этиш тўғрисидаги қонун лойиҳасини киритганини маълум қилди.

Аввалроқ Трамп Россия учун “психологик муддат” белгиланганини ва Путин сулҳга рози бўлиши кераклигини айтган эди.