Сурхондарё вилояти божхона бошқармаси “Гулбаҳор” чегара божхона пости ходимлари Республика ҳудудидан транзит тарзда ҳаракатланаётган юк автотранспорт воситасидаги помидор ўрнига сувоқда ишлатиладиган қурилиш шпаклёвкаси ортилганини фош этишди.
Божона назорати жараёнида юк машинасининг ҳужжатлари ва пломбалар жойида экани тасдиқланди. Бироқ, тиркаманинг одатда очилмайдиган қисми бузилгани аниқлангач, чуқурлаштирилган божхона кўриги ўтказилди. Натижада, помидор ўрнига 22 тонна қурилиш шпаклёвкаси юклангани маълум бўлди.
Олиб борилган тезкор тадбирлар давомида аниқланишича, транзит тартибида қўшни давлатга чиқиб кетиши лозим бўлган 20 тоннадан зиёд помидор ноқонуний равишда Термиз туманидаги омборлардан бирига тушириб қолдирилган. Ушбу қишлоқ хўжалиги маҳсулотининг умумий қиймати 600 миллион сўмни ташкил этади.
Тезкор қидирув тадбирлари давом эттирилганда, ноқонуний туширилган помидор маҳсулоти 2 та "Isuzu" русумли юк автотранспорт воситаларига юклангани аниқланиб, Сурхондарё-Самарқанд йўналишида ҳаракатланаётган ушбу юк автотранспорт воситалари қўлга олинди. Помидор маҳсулоти вақтинча сақловга олинди.
Ҳозирда мазкур ҳолат юзасидан божхона органлари томонидан терговга қадар текширув ҳаракатлари олиб борилмоқда.
Россия аэропортида ўзбекистонликлар қўлга олинди
Расман! Ўзбекистонда Рамазон ҳайити қачон нишонланиши маълум бўлди
Хонанда Феруза Каримова салкам 42 миллион сўм жаримага тортилди
