Украина авиацияси Россиянинг ҳарбий объектларини йўқ қилмоқда

Deep State мониторинг лойиҳаси Украина авиациясининг Белгород вилоятидаги ҳарбий объектларга берган зарбалари тасвирларини эълон қилди.

Таҳлилчиларнинг маълумотларига кўра, зарбалар Демидовка ва Кондратовка аҳоли пунктлари атрофида амалга оширилган.

Эслатиб ўтамиз, 18 март куни Украина президенти Володимир Зеленский Белгород вилоятидаги эҳтимолий операциялар ҳақидаги саволга жавоб берар экан, Россия ҳужумларининг олдини олиш учун Украина олдиндан ҳаракат қилиш ҳуқуқига эга эканини таъкидлаган эди.

Украина ҳарбий раҳбарияти томонидан бу борада ҳозирча расмий изоҳ берилмаган. Украина Қуролли кучлари Бош штаби Мудофаа кучлари фақат Россия Федерациясининг ҳарбий объектларига зарба бераётганини бир неча бор қайд этган.