Путин Ғарбни мазах қилмоқда

Зеленский: Москва Ғарбнинг тинчликни тиклаш ҳаракатларини масхара қилмоқда.

Украина президенти Владимир Зеленский Кремлнинг Ғарбнинг можарони тинч йўл билан ҳал этиш уринишларини "очиқчасига мазах қилаётгани" ҳақида баёнот берди.

У бу ҳақда кечки видеомурожаатида маълум қилди.

Зеленскийнинг айтишича, Россия тинчлик ташаббусларига ҳужумларни кучайтириш билан жавоб бермоқда.

"Ҳозирда Москвада ҳамкорларнинг тинчлик кун тартибини илгари суриш ҳаракатларини очиқчасига мазах қилишмоқда - узлуксиз янги дрон зарбалари, тўхтовсиз шафқатсиз ўққа тутишлар. Буни фақат босим орқали тўхтатиш ва Россияни тинчликка мажбурлаш керак," - дея таъкидлади у.

Украина президенти, шунингдек, Россиянинг ҳарбий жиноятлари жазосиз қолмаслигини, Европа эса бу урушдан олинган "ахлоқий сабоқлар"ни унутмаслигини билдирди.