Маврикий Таълим вазирлиги 13 октябр куни мамлакатнинг баъзи ҳудудларида мактаблар вақтинча ёпилганини маълум қилди. Бунга полиция ходими ёш аёлга ўқ узганидан сўнг бошланган тунги тартибсизликлар сабаб бўлди.
Маҳаллий оммавий ахборот воситалари маълумотларига кўра, 27 ёшли Элоди Томасга ўқ узилиши ортидан полиция сержантига нисбатан дастлабки айблов эълон қилинган. Бироқ ҳодисага нима сабаб бўлгани ҳақида тафсилотлар келтирилмади.
Элоди 9 октябр куни кечаси пойтахтдан жанубдаги турар жой даҳасида фургонда уйига қайтаётганида яраланган. Соғлиқни сақлаш вазири Анил Бачуга кўра, Элоди танасидан ўқни олиб ташлаш бўйича муваффақиятли жарроҳлик амалиётини ўтказган. Полиция ходимлари ҳодиса юзасидан изоҳ бермади. Лекин суриштирув ишлари бошлангани маълум қилинди.
12 октябр куни кечаси мамлакатнинг айрим ҳудудларида намойишчилар автомобил шиналарини ёқиб, йўлларни тўсиб қўйди. Шу сабабли ҳудудларга полиция кучлари сафарбар этилди. Бош вазир идораси ҳозирда вазият барқарорлашганини ва барча давлат хизматлари одатдагидек ишлашини билдирди.
MrBeast: “Ўзбекистонда мухлисларим шу қадар кўпки, балки кетишимизга тўғри келар”
Нега айнан Эркинжон Турдимов? Бу қарор ортида қандай омиллар турибди?
Германия Россия билан дизель ёқилғиси етказиб бериш бўйича келишув тузишни таклиф қилди
